1 முதல் 9ம் வகுப்பு மாணவர்களுக்கு முழு ஆண்டு தேர்வு தேதி அறிவிப்பு…!

தமிழகத்தில் ஏற்கனவே பத்தாம் வகுப்பு மற்றும் 12ம் வகுப்பு பொதுத் தேர்வுகள் தொடங்கி நடைபெற்று வருகின்றன. இந்நிலையில் தமிழகத்தில் உள்ள அரசு மற்றும் அரசு உதவி பெறும், தனியார் பள்ளிகளில் 1 முதல் ஒன்பதாம் வகுப்பு வரையிலான மாணவர்களுக்கு 2025-2026ம் கல்வி ஆண்டுக்கான முழு ஆண்டு தேர்வு தேதி அட்டவணை வெளியிடப்பட்டுள்ளது. அதன்படி 1 முதல் ஐந்தாம் வகுப்பு வரை படிக்கும் மாணவர்களுக்கு ஏப்ரல் 6, 7, 8, 9, 13, 16 ஆகிய தேதிகளிலும், 6 முதல் ஒன்பதாம் வகுப்பு வரை படிக்கும் மாணவர்களுக்கு ஏப்ரல் 1, 6, 7, 8, 9, 13, 16 ஆகிய தேதிகளிலும் தேர்வுகள் நடைபெறும் என்று அறிவிக்கப்பட்டுள்ளது. 17- ம் தேதி முதல் விடுமுறை அறிவிக்கப்படலாம் என தெரிகிறது.