திருச்சி தெற்கு மாவட்ட திமுக சார்பில் “ஓரணியில் தமிழ்நாடு” உறுப்பினர் சேர்க்கை: * அமைச்சர் அன்பில் மகேஷ் பொய்யாமொழி தொடங்கி வைத்தார்!

திருச்சி தெற்கு மாவட்ட திமுக சார்பில், கிழக்கு சட்டமன்ற தொகுதியில் “ஓரணியில் தமிழ்நாடு” உறுப்பினர் சேர்க்கை நடைபெற்றது. தெற்கு மாவட்ட கழகச் செயலாளரும், பள்ளி கல்வித்துறை அமைச்சருமான அன்பில் மகேஷ் பொய்யாமொழி “ஓரணியில் தமிழ்நாடு” உறுப்பினர் சேர்க்கையை தொடங்கி வைத்தார். மலைக்கோட்டை பகுதி, பாலக்கரை, மார்க்கெட், அரியமங்கலம், கலைஞர் நகர் ஆகிய பகுதிகளில் கட்சி நிர்வாகிகள் வீடு, வீடாக சென்று திமுக அரசின் சாதனைகளையும், தமிழக அரசுக்கு மத்திய அரசு செய்யும் துரோகங்களையும் எடுத்துக் கூறி உறுப்பினர்களாக சேர்த்தனர். இந்த நிகழ்வில் கிழக்கு மாநகரக் கழகச் செயலாளர் மு.மதிவாணன், தொகுதி பொறுப்பாளர் கதிரவன், மாவட்டக்கழக நிர்வாகிகள் மணிமேகலை, ராஜேஸ்வரன், பகுதி கழகச் செயலாளர்கள் மோகன், பாபு, ராஜ்முஹம்மது, விஜயகுமார், மணிவேல் மற்றும் கழக நிர்வாகிகள், அணிகளின் அமைப்பாளர்கள் ஆகியோர் கலந்து கொண்டு உறுப்பினர் சேர்க்கையில் ஈடுபட்டனர்.