பழிக்குப்பழியாக அரங்கேறிய பயங்கரம்! பஸ்ஸில் இருந்து கீழே தள்ளி இளைஞர் படுகொலை ! திருச்சி ஜீயபுரத்தில் பரபரப்பு! (வீடியோ இணைப்பு)

திருச்சி மாவட்டம் ஜீயபுரம் அருகே கொடியாலம் மாரியம்மன் கோவில் தெருவை சேர்ந்த கணபதி மகன் விஷ்ணு. இவர் இன்று காலை கொடியாலத்திலிருந்து அரசு பேருந்தில் ஏறி சத்திரம் பேருந்து நிலையம் நோக்கி சென்றுள்ளார்.  இந்நிலையில் திண்டுக்கரை அருகே பேருந்து வந்தபோது பின்னால் இருசக்கர வாகனத்தில் வந்த ஐந்து பேரில் ஒருவர், பேருந்தில் ஏறி விஷ்ணுவை கீழே விட்டுள்ளனர்.பின்னர் 5 பேர் கொண்ட கும்பல் அரிவாள் உள்ளிட்ட பயங்கர ஆயுதங்களால் விஷ்ணு தலையில் சரமாரியாக வெட்டி விட்டு அங்கிருந்து தப்பி சென்றனர்.இச்சம்பவத்தில் ரத்த வெள்ளத்தில் சரிந்த இளைஞர் சம்பவ இடத்திலேயே உயிரிழந்தார். இதனை அறிந்த ஜீயபுரம் போலீசார் சம்பவ இடத்திற்கு சென்று விஷ்ணுவின் உடலை கைப்பற்றி உடற்கூறு ஆய்வுக்காக திருச்சி அரசு மருத்துவமனைக்கு அனுப்பி வைத்துள்ளதோடு கொலை தொடர்பாக வழக்குப்பதிவு செய்து தப்பிச் சென்றவர்களை கைரேகை நிபுணர்கள் மோப்பநாய் உதவியுடன் தேடி வருகின்றனர். இச்சம்பவம் குறித்து போலீசார் தரப்பில் தெரிவிக்கப்பட்டுள்ளதாவது.,  கடந்த ஒரு வருடத்திற்கு முன்பு கோகுல் என்ற நபரை விஷ்ணு தொடர்புடைய கும்பல் வெட்டி கொலை செய்துள்ளது.இதில் கைது செய்யப்பட்டு சிறையில் அடைக்கப்பட்ட விஷ்ணு கடந்த வாரம்தான் ஜாமினில் வந்துள்ளார். இந்நிலையில் இவரை நோட்டமிட்ட கும்பல் இன்று பழிக்குப்பழியாக இக்கொலையை செய்திருக்கிறது. இருப்பினும் இதற்கு வேறு ஏதேனும் காரணம் இருக்கிறதா என்ற கோணத்திலும் விசாரித்து வருவதாக போலீஸார் தகவல் தெரிவித்துள்ளனர்.