திருச்சி அதிமுக செயலாளர் ஜெ.சீனிவாசன் சகோதரி படத்திறப்பு நிகழ்ச்சி – எடப்பாடி பழனிசாமி பங்கேற்கிறார்..!

அ.இ.அ.தி.மு.க. பொதுச்செயலாளரும், முன்னாள் முதல்- அமைச்சரும், தமிழக சட்டமன்ற எதிர்க்கட்சி தலைவருமான எடப்பாடி பழனிசாமி திருச்சி, தஞ்சை மாவட்டங்களில் கட்சி நிர்வாகிகள் நிகழ்ச்சியில் இன்று(10-11-2024) பங்கேற்கிறார். இதற்காக அவர் இன்று சேலத்தில் இருந்து கார் மூலம் தஞ்சாவூர் செல்கிறார். அங்கு நிகழ்ச்சியை முடித்துவிட்டு திருச்சி வந்தடைகிறார். இந்நிலையில் திருச்சி மாநகர் மாவட்ட அ.இ.அ.தி.மு.க. செயலாளரும், திருச்சி மாநகராட்சி முன்னாள் துணை மேயருமான ஜெ.சீனிவாசனின் உடன்பிறந்த சகோதரி எஸ்.கெஜலட்சுமி கடந்த 3 -11-2024 ஞாயிற்றுக்கிழமை உடல் நலக்குறைவால் காலமானார். அவரது பட திறப்பு நிகழ்ச்சி இன்று (10-11-2024) ஞாயிற்றுக்கிழமை மாலை 5 மணி அளவில் திருச்சி பாலக்கரை எடத்தெருவில் உள்ள ஜெ.சீனிவாசன் இல்லத்தில் நடைபெறுகிறது. இந்த நிகழ்ச்சியில், அதிமுக பொதுச்செயலாளரும், முன்னாள் முதல்- அமைச்சரும், சட்டமன்ற எதிர்க்கட்சி தலைவருமான எடப்பாடி பழனிசாமி கலந்துகொண்டு படத்தை திறந்து வைக்கிறார். பின்னர் அவர் கார் மூலம், திருச்சி விமான நிலையம் சென்று விமானம் மூலம் சென்னை புறப்பட்டு செல்கிறார்.