திருச்சியில் இருசக்கர வாகனங்கள் திருடிய 4 பேர் கைது – வாகனங்கள் பறிமுதல்

திருச்சி காந்தி மார்க்கெட் , பாலக்கரை பகுதிகளில் அடிக்கடி இருசக்கர வாகனங்கள் திருட்டு போனது. இதுகுறித்து போலீசாருக்கு வந்த புகார்களின் போில், மோட்டார் சைக்கிள்கள் திருட்டு குறித்து போலீசார் தீவிரமாக கண்காணித்து வந்தனர். இந்த நிலையில் இருசக்கர வாகனங்களை திருடி புதுக்கோட்டையில் விற்பனை செய்த ராஜேஷ் விண்டி ( 23) , அருண்குமார் (19) மற்றும் இரண்டு சிறுவர்கள் உள்பட நான்கு பேர் கைது செய்யப்பட்டனர். அவர்களிடம் இருந்து திருடப்பட்ட இருசக்கர வாகனங்கள் பறிமுதல் செய்யப்பட்டது. இது குறித்து பாலக்கரை போலீசார் தொடர்ந்து விசாரணை நடத்தி வருகின்றனர்.