மண்ணச்சநல்லூரில் 2 லாரிகள் அடுத்தடுத்து வாய்க்காலில் கவிழ்ந்தன…

தஞ்சை மாவட்டம் கும்பகோணத்தில் இருந்து கோயமுத்தூர் நோக்கி பஞ்சு மூட்டைகளை ஏற்றிக் கொண்டு லாரி ஒன்று சென்று கொண்டிருந்தது. அதேபோல, பெங்களூரில் இருந்து திருச்சி நோக்கி தக்காளி ஏற்றி கொண்டு ஒரு லாரி வந்து கொண்டிருந்தது. மண்ணச்சநல்லூர் வாத்தலை அருகே சிறுகாம்பூர் திருச்சி – நாமக்கல் நெடுஞ்சாலையில் இரு லாரிகளும் எதிர் எதிரே நேருக்கு நேர் மோதுவது போல வந்ததாக தெரிகிறது.

உடனே, 2 லாரிகளின் டிரைவர்களும் திடீரென பிரேக் பிடிக்கவே கட்டுப்பாட்டை இழந்த ஒரு லாரி சாலையோர வாய்க்கால் பள்ளத்திலும், மற்றொரு லாரி அய்யன் வாய்க்காலுக்குள்ளும் கவிழ்ந்தன. இதில் இரண்டு டிரைவர்களும் அதிர்ஷ்டவசமாக உயிர் தப்பினர். இந்த விபத்து குறித்து வாத்தலை போலீசார் விசாரணை மேற்கொண்டு வருகின்றனர்.