திருச்சி திருவெள்ளறை கோவில் கோபுரம் கட்டுமான பணி துவக்க விழா..

 திருச்சி மண்ணச்சநல்லூர் அருகே உள்ள ஸ்ரீரங்கம் உபகோயிலான திருவெள்ளறை புண்டரிகாக்ஷப்பெருமாள் கோயில் வடக்கு வாசல் நிலை கோபுரத்தில் கூடுதல் ஐந்து நிலை கட்டுமான பணி துவக்க விழா இன்று ( 23.11.2023 )  நடைபெற்றது. இதில் நகராட்சி நிர்வாகத்துறை அமைச்சர் கே.என் நேரு, அறநிலையத்துறை அமைச்சர் சேகர்பாபு, மாவட்ட ஆட்சித் தலைவர் மா.பிரதீப் குமார் ஐஏஎஸ் கலந்து கொண்டு கட்டுமான பணியினை துவக்கி வைத்தனா். இந்த கட்டுமான பணி ரூ. 7.85 கோடி  மதிப்பில் நடைபெற உள்ளதாகவும் , மேலும் இப்பணி இன்று முதல் துவக்கப்பட்டு வெகு விரைவில் பணியை செய்து முடிக்க வேண்டும் என அமைச்சர் கே.என். நேரு தெரிவித்தார் . இந்நிகழ்ச்சியில் மாநகராட்சி மேயர் மு. அன்பழகன், மத்திய மாவட்ட செயலாளர் வைரமணி, மண்ணச்சநல்லூர் ஒன்றிய செயலாளர் கே.பி.ஏ செந்தில் கார்த்திகேயன், கோயில் பட்டர்கள்,  கட்சி நிர்வாகிகள் மற்றும்  பக்தர்கள் என திரளானோர் கலந்து கொண்டனர்.