திருச்சி தெற்கு மாவட்ட திமுக சார்பில் முதலமைச்சர் மு.க.ஸ்டாலின் பிறந்தநாள் விழா பொதுக்கூட்டம்- * நடிகர் வாகை சந்திரசேகர் பங்கேற்பு

தமிழ்நாடு முதலமைச்சர் மு.க.ஸ்டாலின் 72-வது பிறந்தநாள் விழா பொதுக்கூட்டம் திருச்சி தெற்கு மாவட்ட கழக செயலாளரும், அமைச்சருமான அன்பில் மகேஸ் பொய்யாமொழி வழிகாட்டுதலின் பேரில் பூந்தோட்டம் காஜாபேட்டை மெயின் ரோட்டில் கிழக்கு மாநகரம் பாலக்கரை பகுதி திமுக சார்பில் நடைபெற்றது.  கூட்டத்திற்கு பாலக்கரை பகுதி கழகச் செயலாளர் டி.பி.எஸ்.எஸ்.ராஜு முகமது தலைமை தாங்கினார். 50-வது வட்டக் கழக செயலாளர் சீனிவாசன் வரவேற்றார். கலை இலக்கியப் பகுத்தறிவு பேரவை செயலாளர் வாகை சந்திரசேகர், கிழக்கு மாநகர கழகச் செயலாளர் மு.மதிவாணன், கிழக்கு சட்டமன்ற உறுப்பினர் இனிகோ இருதயராஜ் ஆகியோர் பங்கேற்று அரசின் சாதனைகளையும், கழக தலைவர் மு. க.ஸ்டாலின் கடந்து வந்த பாதைகளையும் எடுத்துக் கூறி உரையாற்றினர். இக்கூட்டத்தில், திருச்சி மாநகராட்சி துணை மேயர் திவ்யா தனக்கோடி, கழக நிர்வாகிகள் வண்ணை அரங்கநாதன், செங்குட்டுவன், லீலாவேலு, மூக்கன், நூர்கான், சந்திரமோகன், பொன்செல்லையா, சரோஜினி, தனக்கோடி, பகுதி கழகச் செயலாளர்கள் நீலமேகம், கொட்டப்பட்டு இ.எம்.தர்மராஜ், மோகன், மணிவேல், ஏ. எம்.ஜி.விஜயகுமார், பாபு மற்றும் அணிகளின் அமைப்பாளர்கள், துணை அமைப்பாளர்கள், உள்ளாட்சி அமைப்புகளின் பிரதிநிதிகள், பொதுமக்கள் திரளாக கலந்து கொண்டனர். முடிவில், 50-வது ஆ வட்ட கழக செயலாளர் ஞானசேகர் நன்றி கூறினார். கூட்டத்தில் பொதுமக்களுக்கு நலத்திட்ட உதவிகள் வழங்கப்பட்டது.