திருச்சி மாநகர் மாவட்டத்தில் கோட்ட காங்கிரஸ் தலைவர்கள் புதிதாக நியமிக்கப்பட்டுள்ளனர்.

இதுகுறித்து திருச்சி மாநகர், மாவட்ட காங்கிரஸ் தலைவர் வி.ஜவகர் வெளியிட்டுள்ள அறிவிப்பில் கூறியிருப்பதாவது:-
அகில இந்திய காங்கிரஸ் தலைவர் மல்லிகார்ஜுன கார்கே, சோனியா காந்தி, ராகுல் காந்தி ஆகியோர் நல்லாசியுடன், தமிழக காங்கிரஸ் தலைவர் கே.எஸ்.அழகிரி ஒப்புதலுடன் திருச்சி மாநகர் மாவட்ட காங்கிரஸ் கமிட்டியின் காங்கிரஸ் கோட்டத் தலைவர்கள் அறிவிக்கப்படுகின்றனர் .இதில் திருவரங்கம் கோட்டத் தலைவராக சிவாஜி சண்முகம், மலைக்கோட்டை கோட்டத் தலைவராக ரவி, பாலக்கரை கோட்ட தலைவராக ஜோசப் ஜெரால்டு, ஜங்ஷன் கோட்ட தலைவராக பிரியங்கா பட்டேல், உறையூர் கோட்ட தலைவராக பிரேம் ஆனந்த், பொன்மலை கோட்ட தலைவராக செல்வகுமார், ஏர்போர்ட் கோட்ட தலைவராக கனகராஜ், காட்டூர் கோட்டத் தலைவராக ராஜா டேனியல் ராய் ஆகியோர் நியமிக்கப்படுகின்றார்கள். அவர்களது பணி சிறக்க வாழ்த்துகிறேன். இவ்வாறு மாவட்ட தலைவர் ஜவகர் கூறியுள்ளார்.