தாலிக்கு தங்கம் வழங்கும் திட்டத்திற்கு தங்க நாணயம் வாங்க டெண்டர் கோரியது தமிழ்நாடு அரசு…!

அதிமுக ஆட்சியில் கொண்டுவரப்பட்ட தாலிக்கு தங்கம் திட்டத்தை திமுக அரசு நிறுத்தி விட்டதாக எடப்பாடி பழனிசாமி குற்றம் சாட்டி வருகிறார். இந்தநிலையில் தற்போது தமிழக அரசு சார்பில் செயல்பாட்டில் இருக்கும் நான்கு திருமண நிதி உதவி திட்டங்களுக்காக தங்கம் வழங்க அரசு முடிவு செய்திருக்கிறது. இதன்மூலம் தாலிக்கு தங்கம் திட்டம் மீண்டும் செயல்பாட்டுக்கு வரலாம் என சொல்லப்படுகிறது. சமூக நலத்​துறை​யின் மூலம் செயல்​படுத்​தப்​படும் 4 வகை​யான திருமண நிதியுத​வித் திட்​டங்​களின் கீழ் பயனாளிகளுக்கு வழங்​கு​வதற்கு ரூ.45 கோடி மதிப்​பீட்​டில் 5,640 எண்​ணிக்​கையி​லான 8 கிராம் 22 காரட் தங்க நாண​யங்​கள் மற்​றும் ஆபரணங்​கள் கொள்​முதல் தொடர்​பாக விற்​பனை​யாளர்​களிடம் இருந்து விண்​ணப்​பங்​கள் வரவேற்​கப்​படு​கின்​றன. இதற்கு விண்​ணப்​பிக்க விரும்​புவோர், தமிழக அரசின் ஒப்​பந்​தப் புள்ளி கோரும் இணை​யதளத்​தில் இருந்து விண்​ணப்​பத்தை பதிவிறக்​கம் செய்​து, அக்​.9-ம் தேதிக்​குள் விண்​ணப்​பிக்​கலாம். ஒப்​பந்​தப்​புள்​ளி​கள் அக்​.9-ம் தேதி மாலை 4 மணி​யள​வில் திறக்கப்படும். இவ்வாறு அதில் கூறப்பட்டுள்ளது.