42 லட்சம் மாணவ, மாணவிகள் எழுதிய 10, பிளஸ்- 2 வகுப்புகளுக்கான சி.பி.எஸ்.இ.பொதுத்தேர்வு முடிவுகள் விரைவில் வெளியீடு..!

சி.பி.எஸ்.இ. மத்திய இடைநிலைக் கல்வி வாரியத்தின் சார்பில் 2024- 25-ம் கல்வி ஆண்டில் 10ம் வகுப்பு மற்றும் பிளஸ்- 2 பொதுத் தேர்வை சுமார் 42 லட்சம் மாணவ- மாணவிகள் எழுதினர். பிளஸ் 2 பொதுத்தேர்வு ஏப்ரல் 4ம் தேதி வரையும், 10ம் வகுப்பு சி.பி.எஸ்.இ. பொதுத் தேர்வுகள் மார்ச் 18-ம் தேதி வரையும் நடைபெற்றன. பொதுவாக 10ம் வகுப்பு மற்றும் பிளஸ் 2 பொதுத்தேர்வு முடிவுகளை மத்திய இடைநிலைக் கல்வி வாரியம் ஒரே நேரத்தில் வெளியிடும். இந்நிலையில் 2025ம் ஆண்டுக்கான 10ம் வகுப்பு மற்றும் பிளஸ் 2 சி.பி.எஸ்.இ.தேர்வு முடிவுகள் ஓரிரு நாட்களில் வெளியாக உள்ளதாக தகவல் வெளியாகி உள்ளது. சி.பி.எஸ்.இ. தேர்வு முடிவுகளை மாணவர்கள் cbseresults.nic.in, cbse.nic.in மற்றும் cbse.gov.in ஆகிய இணையதளத்தில் சென்று பார்த்து தெரிந்து கொள்ளலாம். அதேபோல https://results.cbse.nic.in/ என்ற இணையதளத்திலும் தேர்வு முடிவுகள் வெளியாக உள்ளது.