குத்து சண்டை போட்டியில் அசத்திய மாணவ, மாணவியா்

கோவையில் நடைபெற்ற மாவட்ட அளவிலான கிக் பாக்சிங் போட்டியில் ஐநூறுக்கும் மேற்பட்ட மாணவ,மாணவிகள் ஆர்வமுடன் கலந்து கொண்டனர். தமிழ்நாடு மாநில கிக் பாக்சிங் அசோசியேஷன் மற்றும் கோவை மாவட்ட அமெச்சூர் கிக் பாக்சிங் சங்கம் இணைந்து நடத்திய மாவட்ட அளவிலான கிக் பாக்சிங் போட்டிகள் கோவை குனியமுத்தூர் பகுதியில் நடைபெற்றது.இதில் கோவை மற்றும் அதன் சுற்றுப்புற பகுதிகளை சேர்ந்த ஐந்து வயது முதல் கல்லூரி மாணவ,மாணவியர் வரையிலான போட்டியாளர்கள் கலந்து கொண்டனர்.பாய்ண்ட் பைட்டிங்,லைட் மற்றும் ஃபுல் கான்டாக்ட்,கிக் லைட்,மியூசிக் பைட் என பல்வேறு பிரிவுகளில் போட்டிகள் நடைபெற்றன. இதில் வயது வித்தியாசமின்றி கலந்து கொண்ட இளம் போட்டியாளர்கள் அதிரடியாக விளையாடி பார்வையாளர்களை வியப்பில் ஆழ்த்தினர்.இதில் வெற்றி பெறும் வீரர்,வீராங்கனைகள் மாநில அளவில் நடைபெற உள்ள போட்டிகளுக்கு தேர்வு செய்யப்பட இருப்பதாக போட்டி ஒருங்கிணைப்பாளர்கள் தெரிவித்தனர்.