ஆரோக்கிய மாதா கோவில் திருவிழாவை முன்னிட்டு எர்ணாகுளம்-வேளாங்கண்ணி இடையே சிறப்பு ரெயில் இயக்கம்…!

வேளாங்கண்ணி ஆரோக்கிய மாதா கோவில் திருவிழாவை முன்னிட்டு எர்ணாகுளம் – வேளாங்கண்ணிக்கு சிறப்பு ரயில் இயக்கப்படுகிறது. இதுகுறித்து தெற்கு ரெயில்வே வெளியிட்டுள்ள செய்திக்குறிப்பில், வேளாங்கண்ணி மாதா திருவிழாவின் போது பயணிகளின் கூட்ட நெரிசலை குறைக்க பின்வரும் சிறப்பு ரெயில்கள் இயக்கப்படும். எர்ணாகுளம் சந்திப்பு – வேளாங்கண்ணி வாராந்திர விரைவு ரெயில் (வண்டி எண். 06061) ஆகஸ்ட் 27, செப்டம்பர் 03 மற்றும் 10, 2025 ஆகிய தேதிகளில் (புதன்கிழமைகளில்) இரவு 11.50 மணிக்கு எர்ணாகுளத்தில் இருந்து புறப்பட்டு மறுநாள் பிற்பகல் 3.15 மணிக்கு வேளாங்கண்ணியை சென்றடையும். மறுமார்க்கத்தில் வேளாங்கண்ணி – எர்ணாகுளம் வாராந்திர விரைவு ரெயில் (வண்டி எண்: 06062) ஆகஸ்ட் 28, செப்டம்பர் 4 மற்றும் 11, 2025 ஆகிய தேதிகளில் (வியாழக்கிழமைகளில்) மாலை 6.40 மணிக்கு வேளாங்கண்ணியில் இருந்து புறப்பட்டு மறுநாள் காலை 11.55 மணிக்கு எர்ணாகுளம் சென்றடையும். இவ்வாறு அதில் தெரிவிக்கப்பட்டுள்ளது.