ஏப்ரல்18ம் தேதி சமயபுரம் கோவில் தேரோட்டம்! போக்குவரத்தில் மாற்றம்!

அம்மன் தலங்களில் புகழ்பெற்ற ஸ்தலமாக விளங்கும் சமயபுரம் மாரியம்மன் திருக்கோவில் சித்திரை தேர் திருவிழா வரும் 18ஆம் தேதி நடைபெற உள்ளது.
இதற்காக போக்குவரத்தில் மாற்றம் செய்யப்பட்டுள்ளது. அதன்படி மதுரை மார்க்கத்தில் இருந்து சென்னை செல்லும் கனரக சரக்கு வாகனங்கள் வளநாடு – மணப்பாறை- தோகைமலை – குளித்தலை – முசிறி- துறையூர் – பெரம்பலூர் வழியாகவும் , திண்டுக்கல் மார்க்கத்திலிருந்து சென்னை செல்லும் கனரக சரக்கு வாகனங்கள் மணப்பாறை – தோகைமலை- குளித்தலை -முசிறி -துறையூர் – பெரம்பலூர் வழியாகவும் சென்னை செல்ல வேண்டும். முசிறி மற்றும் சேலத்தில் இருந்து திருச்சி வரும் கனரக சரக்கு வாகனங்கள் முசிறி -குளித்தலை – ஜீயபுரம் –
வழியாக திருச்சி செல்ல வேண்டும். சென்னை மார்க்கத்தில் இருந்து திருச்சி வரும் கனரக சரக்கு வாகனங்கள் சிறுகனூர் – தச்சங்குறிச்சி – பூவாளூர் பனமங்கலம் சந்திப்பு வழியாக சென்னை -திருச்சி தேசிய நெடுஞ்சாலை வழியாக திருச்சி செல்ல வேண்டும். சிதம்பரம் அரியலூர் மார்க்கத்தில் இருந்து வரும் வாகனங்கள் பெருவளநல்லூரில் இருந்து குமுளுர் -தச்சங்குறிச்சி வழியாக சிறுகனூர் சென்று பெரம்பலூர் மார்க்கமாக சென்னை செல்ல வேண்டும். இத்தகவலை திருச்சி மாவட்ட ஆட்சியர் பிரதீப் குமார் தெரிவித்துள்ளார்.