மருத்துவமனையில் இருந்தாலும் மக்கள் பணிக்கு ஓய்வில்லை- பயனாளிகளுடன் கலந்துரையாடிய முதல்வர் மு.க.ஸ்டாலின்…! (வீடியோ இணைப்பு)

உடல் நலக்குறைவு காரணமாக சென்னை அப்போலோ மருத்துவமனையில் சிகிச்சை பெற்று வரும் முதல்வர் மு.க. ஸ்டாலின், வீடியோ கான்பரன்சிங் வாயிலாக “உங்களுடன் ஸ்டாலின்” திட்டப் பயனாளிகளுடன் கலந்துரையாடினார். மேலும், உங்களுடன் முதல்வர் திட்டம் தொடர்பாக, தலைமை செயலாளர் முருகானந்தத்துடன் ஆலோசனை நடத்தினார். அதேபோல திட்ட பணிகளின் முன்னேற்றம் குறித்து கோவை, கன்னியாகுமரி, காஞ்சிபுரம் மாவட்ட கலெக்டர்களுடன் வீடியோ கான்பரன்சிங் வாயிலாக ஆலோசனை நடத்தினார். அப்போது முகாமிற்கு வந்த பொதுமக்களிடமும் உரையாடினார். அவர் பயனாளிகளிடம் கோரிக்கைகள் குறித்த விவரங்களை கேட்டறிந்து கலந்துரையாடினார்.