சபரிமலைக்கு செல்ல பேருந்து வேண்டுமா?- பக்காவாக பிளான் பண்ணியது தமிழ்நாடு அரசு போக்குவரத்துக் கழகம்…!

கேரள மாநிலத்​தில் பிரசித்தி பெற்ற சபரிமலை ஐயப்​பன் கோயிலுக்கு ஆண்​டு​தோறும் மண்டல பூஜை மற்​றும் மகர விளக்கு திரு​விழாக்​களின்​போது தமிழகத்​தின் முக்​கிய நகரங்​களி​லிருந்து அரசு விரைவுப் போக்​குவரத்​துக் கழகம் சார்​பில் ஆண்​டு​தோறும் சிறப்​புப் பேருந்​துகள் இயக்​கப்​பட்டு வரு​கின்​றன. இந்த ஆண்​டும் கடந்த 16-ம் தேதி முதல் சென்னை கோயம்​பேடு மற்​றும் கிளாம்​பாக்​கம், திருச்​சி, மதுரை மற்​றும் புதுச்​சேரி, கடலூர் ஆகிய இடங்​களி​லிருந்து பம்​பைக்​கு, அதிநவீன சொகுசு மிதவைப் பேருந்​துகள், குளிர்​சாதனப் பேருந்து மற்​றும் குளிர்​சாதனமில்லா இருக்கை மற்​றும் படுக்கை வசதி உள்ள சிறப்​புப் பேருந்​துகள் இயக்கப்படுகின்றன. இதன் தொடர்ச்​சி​யாக ஓசூர், தரு​மபுரி, கிருஷ்ணகிரி, சேலம் மற்​றும் கரூர் பகு​தி​யினர் பயன்​பெறும் வகை​யில் அதிநவீன குளிர்​சாதனமில்லா இருக்கை மற்​றும் படுக்கை வசதி கொண்ட பேருந்து வருகிற 28-ம் தேதி முதல் ஜனவரி 16-ம் தேதி வரை இயக்​கப்​படு​கிறது. இந்த வருடம் பக்​தர்​கள் கூடு​தலாக பயணம் செய்ய முன்​வரு​வார்​கள் என எதிர்பார்க்கப்படுவதால் சென்னை மற்​றும் இதர இடங்​களி​லிருந்து கூடு​தல் பேருந்​துகள் இயக்​கு​வதற்கு அனு​மதி பெறப்பட்டு, சிறப்​பான முறை​யில் பேருந்​துகளை இயக்க ஏற்​பாடு செய்​யப்​பட்​டுள்​ளது. மேலும், குழு​வாகச் செல்​லும் பக்​தர்​களுக்கு வாடகை அடிப்​படை​யில் பேருந்து வசதி செய்து தரப்படும். எனவே, பயணி​கள் தங்​கள் பயணத்தை முன்​கூட்​டியே திட்​ட​மிட்டு முன்​ப​திவு செய்து பயணிக்​கும்​படி கேட்​டுக் கொள்​ளப் படுகிறார்​கள். பேருந்​துகளின் விவரம் உள்​ளிட்ட தகவல்​களுக்கு 94450 14424 மற்​றும் 94450 14463 ஆகிய செல்​போன் எண்​களைத் தொடர்பு கொண்டு தெரிந்து கொள்ளலாம் என தமிழ்நாடு அரசு விரைவு போக்குவரத்து கழகம் சார்பில் கேட்டுக்கொள்ளப்பட்டுள்ளது.