திருச்சியில் உள்ள அண்ணா சிலைக்கு அமைச்சர் அன்பில் மகேஷ் பொய்யாமொழி தலைமையில் மாலை அணிவித்து மரியாதை…

தமிழ்நாடு முன்னாள் முதலமைச்சர் பேரறிஞர் அண்ணாவின் நினைவு நாளை முன்னிட்டு திருச்சி தெற்கு மாவட்ட தி.மு.க. சார்பாக மாவட்ட செயலாளரும், பள்ளிக்கல்வித்துறை அமைச்சருமான அன்பில் மகேஸ் பொய்யாமொழி தலைமையில் கிழக்கு மாநகர செயலாளர் மு.மதிவாணன் முன்னிலையில் சத்திரம் பேருந்து நிலையத்தில் உள்ள காமராஜர் சிலை அருகில் இருந்து அமைதி ஊர்வலம் புறப்பட்டு சிந்தாமணியில் உள்ள அண்ணா சிலையை அடைந்தது.

பின்னர் அங்குள்ள அண்ணா சிலைக்கு அமைச்சர் அன்பில் மகேஷ் பொய்யாமொழி தலைமையில் மாலை அணிவித்து மரியாதை செலுத்தப்பட்டது.
இந்நிகழ்ச்சியில், மாநகராட்சி துணை மேயர் திவ்யா தனக்கோடி, நிர்வாகிகள் வண்ணை அரங்கநாதன், கே.என். சேகரன், செந்தில், பகுதி செயலாளர் மோகன் மற்றும் பகுதி, ஒன்றிய, நகர, பேரூர், வட்ட, வார்டு, கிளை கழக நிர்வாகிகள், அனைத்து அணிகளின் அமைப்பாளர்கள் மற்றும் துணை அமைப்பாளர்கள், உள்ளாட்சி அமைப்புகளின் பிரதிநிதிகள், கழக முன்னோடிகள், தொண்டர்கள் திரளாக கலந்து கொண்டனர்.