மாற்றுக் கட்சியை சேர்ந்தவர்கள் அமைச்சர் அன்பில் மகேஷ் பொய்யாமொழி முன்னிலையில் திமுகவில் இணைந்தனர்…!

திருச்சி தெற்கு மாவட்ட திமுக, திருவெறும்பூர் பகுதி கழகம் 39 (அ) வட்டத்தை சேர்ந்த தமிழக வெற்றி கழகம், நாம் தமிழர் கட்சியை சேர்ந்த 90க்கும் மேற்பட்ட இளைஞர்கள் 39-வது அ வட்டக் கழக செயலாளர் வினோத் கனகராஜ் தலைமையில் திருவெறும்பூர் சட்டமன்ற உறுப்பினரும், தமிழக பள்ளி கல்வித்துறை அமைச்சருமான அன்பில் மகேஷ் பொய்யாமொழி முன்னிலையில் தங்களை திமுகவில் இணைத்துக் கொண்டனர். அவர்கள் அனைவருக்கும் அமைச்சர் பொன்னாடை அணிவித்தார். நிகழ்ச்சியில் கிழக்கு மாநகர கழக செயலாளர் மு.மதிவாணன், காட்டூர் பகுதி செயலாளர் நீலமேகம், பகுதி செயலாளர் சிவகுமார் உட்பட கட்சி நிர்வாகிகள், தொண்டர்கள் கலந்து கொண்டனர்.