பராமரிப்பு பணிகள்: திருச்சி வரும் சில ரயில்கள் ரத்து !

ஜோலார்பேட்டை மற்றும் பெங்களூரு ரெயில் நிலையங்களுக்கு இடையே பராமரிப்பு பணிகள் மேற்கொள்ள இருப்பதால் பின்வரும் ரெயில் சேவையில் மாற்றம் செய்யப்பட உள்ளது. அதன்படி, ஹூப்ளியில் இருந்து இரவு 8.25 மணிக்கு திருச்சி வழியாக தஞ்சைக்கு புறப்படும் சிறப்பு ரெயில் (வ.எண்:07325) நாளை (திங்கட்கிழமை) முற்றிலும் ரத்து செய்யப்படுகிறது. மறுமார்க்கத்தில் தஞ்சையில் இருந்து இரவு 7.40 மணிக்கு திருச்சி வழியாக ஹூப்ளி புறப்படும் ரெயில் (வ.எண்:07326) நாளை மறுநாள் (செவ்வாய்க்கிழமை) ரத்து செய்யப்படுகிறது. மேலும், மதுரையில் இருந்து வருகிற 14-ந்தேதி காலை 11.55 மணிக்கு பைகானருக்கு புறப்படும் மதுரை-பைகானர் வாராந்திர அதிவிரைவு ரெயில் (வ.எண்:22631) பெத்தபள்ளி, நிஜாமாபாத், பூர்ணா, அகோலா, டனேரா, நாக்பூர் வழியாக திருப்பிவிடப்படுகிறது. மன்னார்குடியில் இருந்து வருகிற 25-ந்தேதி பகல் 1.15 மணிக்கு புறப்படும் மன்னார்குடி பகத் கி கோத்தி – வாராந்திர அதிவிரைவு ரெயில் பெத்தபள்ளி, நிஜாமாபாத், பூர்ணா, அகோலா வழியாக திருப்பி விடப்படுகிறது. மேற்கண்ட தகவல், ரயில்வே நிர்வாகம் சார்பில் வெளியிடப்பட்டுள்ள ஒரு செய்தி குறிப்பில் தெரிவிக்கப்பட்டுள்ளது.