திருச்சி, டிவிஎஸ் டோல்கேட்டில் காமராஜர் அறிவுசார் நூலகம்: * கட்டுமான பணிகளை துணை முதல்வர் உதயநிதி ஸ்டாலின் ஆய்வு…!

சென்னை, மதுரை உள்ளிட்ட மாவட்டங்களில் அறிவு சார் நூலகங்கள் அமைக்கப்பட்டுள்ளது. அதேபோல திருச்சியிலும் அறிவு சார் நூலகம், டிவிஎஸ் டோல்கேட் பகுதியில் அமைக்கப்பட்டு வருகிறது. இந்நிலையில் அரசு முறை பயணம் மற்றும் கட்சி நிகழ்ச்சிகளில் பங்கேற்பதற்காக திருச்சி வருகை தந்த தமிழ்நாடு துணை முதல்வர் உதயநிதி ஸ்டாலின் அறிவு சார் நூலக கட்டுமான பணிகளை பார்வையிட்டு ஆய்வு செய்தார். அப்போது பள்ளிக்கல்வித்துறை அமைச்சர் அன்பில் மகேஸ் பொய்யாமொழி, மாவட்ட ஆட்சித் தலைவர் சரவணன், பாராளுமன்ற மேலவை உறுப்பினர் கவிஞர் சல்மா, மண்டல குழு தலைவர் மு. மதிவாணன் மற்றும் கட்டிட பொறியாளர்கள், அரசு உயர் அதிகாரிகள் உடன் இருந்தனர்.