திருச்சிக்கு நாளை வருகை தரும் துணை முதலமைச்சர் உதயநிதி ஸ்டாலினுக்கு உற்சாக வரவேற்பு: அமைச்சர் அன்பில் மகேஷ் பொய்யாமொழி அறிக்கை…!

தமிழக துணை முதலமைச்சர் உதயநிதி ஸ்டாலின் நாளை(06-11-2024) திருச்சி வருகை தருகிறார்.  இதுதொடர்பாக திருச்சி தெற்கு மாவட்ட திமுக செயலாளரும், பள்ளி கல்வித்துறை அமைச்சருமான அன்பில் மகேஷ் பொய்யாமொழி ஒரு அறிக்கை வெளியிட்டுள்ளார்.  அதில், திருமண விழா உள்ளிட்ட நிகழ்ச்சிகளில் பங்கேற்பதற்காக நாளை திருச்சி வருகை தரும் துணை முதலமைச்சர்  உதயநிதி ஸ்டாலினுக்கு  திருச்சி தெற்கு மாவட்ட திமுக சார்பில், நாளை புதன்கிழமை இரவு 7 மணிக்கு சஞ்சீவி நகர்,  பால்பண்ணை ரவுண்டானா, காட்டூர், திருவெறும்பூர், பெல், துவாக்குடி ஆகிய இடங்களில் சிறப்பான வரவேற்பு அளிக்கப்பட உள்ளது.  இதில் மாநில, மாவட்ட, மாநகர நிர்வாகிகள், தலைமை செயற்குழு, பொதுக்குழு உறுப்பினர்கள்,  ஒன்றிய, பகுதி, பேரூர், வட்ட, கிளை கழக நிர்வாகிகள், அனைத்து அணிகளின் நிர்வாகிகள், துணை அமைப்பாளர்கள், உள்ளாட்சி அமைப்புகளின் பிரதிநிதிகள் தவறாமல் கலந்து கொள்ளுமாறு கேட்டுக்கொள்கின்றேன். இவ்வாறு அந்த அறிக்கையில் அவர் கூறியுள்ளார்.