‘என் வாக்குச்சாவடி வெற்றி வாக்கு சாவடி’: தி.மு.க. மாவட்ட செயலாளர்களுடன் காணொளி மூலம் முதல்வர் மு.க.ஸ்டாலின் ஆலோசனை…!

தமிழக சட்டமன்றத் தேர்தல் விரைவில் நடைபெற இருக்கிறது. இதனால், திமுக கட்சிப் பணிகளில் விறுவிறுப்பு காட்டி வருகிறது. இதன் ஒருபகுதியாக முதலமைச்சர் மு.க.ஸ்டாலின் சென்னையில் இருந்து காணொளி காட்சி வாயிலாக ‘என் வாக்குச்சாவடி வெற்றி வாக்கு சாவடி’ என்ற பெயரில் திமுக மாவட்ட செயலாளர்களுடன் இன்று (டிச.8) ஆலோசனை நடத்தியதோடு பல்வேறு ஆலோசனைகளை வழங்கினார். அப்போது திருச்சி கலைஞர் அறிவாலயத்தில் கழக முதன்மைச் செயலாளரும், நகராட்சி நிர்வாக துறை அமைச்சர் கே.என்.நேரு தலைமையில் தயார் நிலையில் இருந்த மத்திய மாவட்ட செயலாளர் வைரமணி, வடக்கு மாவட்ட செயலாளர் காடுவெட்டி தியாகராஜன், மாநகர் மாவட்ட செயலாளர் மற்றும் மாநகராட்சி மேயர் மு.அன்பழகன், சட்டமன்ற உறுப்பினர்கள் சௌந்தர பாண்டியன், பழனியாண்டி, ஸ்டாலின்குமார், கதிரவன் ஆகியோருடன் தொகுதி நிலவரம், எஸ்.ஐ.ஆர். பணிகள் குறித்து கேட்டறிந்தார்.