திருச்சி விமான நிலையத்தில் பண்டல், பண்டலாக ரூ.10 லட்சம் மதிப்பிலான இ- சிகரெட் பறிமுதல்…!

திருச்சி விமான நிலையத்தில் இருந்து வெளிநாடுகளுக்கு செல்லும் பயணிகள் மற்றும் வெளிநாடுகளில் இருந்து திருச்சி வரும் பயணிகளின் உடைமைகளை சுங்கத்துறையினர் தீவிரமாக சோதித்து வருகின்றனர். அந்தவகையில் கோலாலம்பூரில் இருந்து திருச்சிக்கு விமானத்தில் வந்த பயணிகள் மற்றும் அவர்களது உடைமைகளை அதிகாரிகள் சோதனை இட்டனர். அப்போது ஒரு பயணி இ-சிகரெட்டுகளை பண்டல், பண்டலாக கடத்தி வந்தது தெரிய வந்தது. அதன் இந்திய மதிப்பு ரூ.10 லட்சம் இருக்கும் என அதிகாரி ஒருவர் மதிப்பிட்டார். அவற்றைக் கொண்டு வருவதற்கான எந்த ஆவணமும் அவரிடம் இல்லாததால் அதனை அதிகாரிகள் பறிமுதல் செய்தனர். இதுதொடர்பாக அந்தப் பயணியிடம் தொடர்ந்து விசாரணை நடத்தப்பட்டு வருகிறது.