பராமரிப்பு பணிகள் காரணமாக திருச்சி கோட்ட ரயில் சேவையில் அதிரடி மாற்றம்…!

பராமரிப்பு பணிகள் காரணமாக திருச்சி கோட்ட ரயில் சேவையில் மாற்றம் செய்யப்பட்டுள்ளது. இதுதொடர்பாக திருச்சி கோட்ட ரயில்வே நிர்வாகம் சார்பில் வெளியிடப்பட்டுள்ள செய்திக்குறிப்பில்,

பொறியியல் பணிகள் காரணமாக திருச்சி-காரைக்கால் டெமு ரயிலானது (76820) வருகிற ஜூலை 2-ம் தேதி முதல் 7-ம் தேதி வரை காரைக்கால்- திருவாரூர் இடையே பகுதியாக ரத்து செய்யப்படுகிறது. இந்த ரயிலானது திருச்சி- திருவாரூர் இடையே மட்டும் இயங்கும். மறுமார்க்கமாக, காரைக்கால்- திருச்சி டெமு ரயிலானது (76819) ஜூலை 2 முதல் 7-ம் தேதி வரை திருவாரூர்- காரைக்கால் இடையே பகுதியாக ரத்து செய்யப்படுகிறது. அதாவது திருவாரூர் – திருச்சி இடையே மட்டும் இயங்கும். இதேபோல, காரைக்குடி-திருச்சி டெமு ரயிலானது (56832, வரும் ஜூலை 1, 8 ம் தேதிகளில் திருச்சி-குமாரமங்கலம் இடையே பகுதியாக ரத்து செய்யப்படுகிறது. இந்த ரயிலானது காரைக்குடி- குமாரமங்கலம் இடையே மட்டும் இயங்கும். திருச்சி-பாலக்காடு விரைவு ரயிலானது (16842) வரும் ஜூலை 1, 8 ஆம் தேதிகளில் திருச்சி-கோட்டை ரயில் நிலையம் இடையே பகுதியாக ரத்து செய்யப்படுகிறது. இவ்வாறு அதில் தெரிவிக்கப்பட்டுள்ளது.