முதல்வர் மு.க.ஸ்டாலின் பிறந்தநாளை முன்னிட்டு திருச்சியில் திமுக சார்பில் தெருமுனை பிரச்சார கூட்டம்…!- இனிகோ இருதயராஜ் எம்எல்ஏ, கிழக்கு மாநகர கழக செயலாளர் மு.மதிவாணன் பங்கேற்பு…

முதல்வர் மு.க.ஸ்டாலின் பிறந்தநாளை முன்னிட்டு திருச்சி தெற்கு மாவட்ட கழகச் செயலாளர் அமைச்சர் அன்பில் மகேஸ் பொய்யாமொழி வழிகாட்டுதலின்படி திருச்சி கிழக்கு மாநகரம் மலைக்கோட்டை பகுதி வார்டு எண் 12, 12 -அ வட்ட திமுக சார்பாக தெருமுனைப் பிரச்சார கூட்டம் பழைய கரூர் ரோடு மேலசிந்தாமணி பகுதியில் நடைபெற்றது. கூட்டத்திற்கு பகுதி கழகச் செயலாளர் மோகன் வரவேற்றார். 12 வட்ட செயலாளர் சிவக்குமார் 12 அ வட்ட செயலாளர் ஜெயச்சந்திரன் ஆகியோர் தலைமை தாங்கினர். கூட்டத்தில் சிறப்பு அழைப்பாளர்களாக கிழக்கு சட்டமன்ற உறுப்பினர் இனிகோ இருதயராஜ், கிழக்கு மாநகர திமுக செயலாளர் மு.மதிவாணன், தலைமைக் கழக செய்தி தொடர்பு துணைச் செயலாளர் சூர்யா கிருஷ்ணமூர்த்தி, இளம் பேச்சாளர் திருவெறும்பூர் குமரவேல் ஆகியோர் கலந்து கொண்டு சிறப்புரை ஆற்றினர்.
முடிவில் மாமன்ற உறுப்பினர் பன்னீர்செல்வம் நன்றி கூறினார். இக்கூட்டத்தில் மாநகராட்சி துணை மேயர் திவ்யா தனக்கோடி, பொதுக்குழு உறுப்பினர் மணிமேகலை, மாநகர அவைத் தலைவர் நூர்கான், மாநகர துணை செயலாளர்கள் சந்திரமோகன், பொன்செல்லையா, சரோஜினி மற்றும் மாவட்ட, மாநகர, வட்டக் கழக நிர்வாகிகள், அணிகளின் அமைப்பாளர்கள், உள்ளாட்சி அமைப்புகளின் பிரதிநிதிகள் கலந்து கொண்டனர். கூட்டத்தில் பொதுமக்களுக்கு நலத்திட்ட உதவிகள் வழங்கப்பட்டது.