கூட்ட நெரிசலை தவிர்க்க காரைக்கால், தஞ்சாவூர், பெங்களூரு ரயில்களில் கூடுதல் பெட்டிகள் இணைப்பு…!

கூட்ட நெரிசலை தவிர்க்க காரைக்கால், தஞ்சாவூர், பெங்களூரு ரயில்களில் கூடுதல் பெட்டிகள் இணைக்கப்பட உள்ளன. இதுகுறித்து திருச்சி கோட்ட ரயில்வே நிர்வாகம் சார்பில் வெளியிடப்பட்டுள்ள ஒரு செய்தி குறிப்பில், கூட்ட நெரிசலை குறைக்க திருச்சி- காரைக்கால் பயணிகள் ரயில் ( வண்டி எண் 04690), காரைக்கால் – தஞ்சாவூர் பயணிகள் ரயில் (06457), தஞ்சாவூர் – திருச்சி பயணிகள் ரயில் (06683), எஸ்எம்விடி பெங்களூரு – காரைக்கால் மெயின் விரைவு ரயில் (16529), காரைக்கால் – எஸ்எம்விடி பெங்களூர் மெயில் விரைவு ரயில் (16530) ஆகிய ரயில்களில் வருகிற 10, 11, 12 ம் தேதிகளில் கூடுதலாக 2 இரண்டாம் வகுப்பு பொதுப்பெட்டிகள் தற்காலிகமாக இணைக்கப்பட உள்ளன. மேலும் ஸ்ரீகங்கா நகர் – திருச்சி, ஸ்ரீகங்கா நகர் ஹம்சாபர் அதிவிரைவு ரயில்களில் (22497, 22498) வருகிற 30-ம் தேதி வரை ஒரு குளிர்சாதனப் பெட்டி (ஏசி த்ரி டயா) தற்காலிகமாக இணைக்கப்படுகிறது. இதேபோல, ஜோத்பூர்- திருச்சி, ஜோத்பூர்- ஹம்சாபர் அதிவிரைவு ரயில்களில் (20481, 20482) வருகிற 25 ஆம் தேதி வரை ஒரு ஸ்லீப்பர் கிளாஸ் பெட்டி தற்காலிகமாக இணைக்கப்படுகிறது என தெரிவிக்கப்பட்டுள்ளது.