திருச்சி, எ.புதூரில் முட்புதருக்குள் வாலிபர் சடலம்- போலீசார் விசாரணை!

திருச்சி, ஆர்எம்எஸ் காலனி ஆறாவது தெரு பகுதியைச் சேர்ந்தவர் முருகன். இவரது மகன் சூர்யா (வயது 25). பி.ஏ.முடித்துள்ள இவர் எந்த வேலைக்கும் செல்லாமல் ஊர் சுற்றி வந்ததாக கூறப்படுகிறது. மேலும், நண்பர்களுடன் சேர்ந்து மது அருந்தி வந்துள்ளார். வழக்கம்போல் வீட்டிலிருந்து வெளியே சென்றவர் பின்னர் வீடு திரும்பவில்லை. இந்நிலையில் ஆர்.எம்.எஸ். காலனி ரயில்வேக்கு சொந்தமான நிலத்தில் முட்புதருக்குள் சூர்யா பிணமாக கிடந்தார். இதுகுறித்து அவரது தாயார் வைரமணி எடமலைப்பட்டி புதூர் போலீசில் புகார் செய்தார். அதன் பேரில் போலீசார் சம்பவ இடத்திற்கு சென்று சூர்யாவின் உடலை கைப்பற்றி பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். இதுதொடர்பாக போலீசார் வழக்கு பதிந்து, சூர்யா எப்படி இறந்தார் என்பது குறித்து விசாரணை நடத்தி வருகின்றனர்.