நீதிமன்ற உத்தரவுப்படி திருப்பரங்குன்றம் தீபத்தூணில் இன்று (டிச.3)கார்த்திகை தீபம் ஏற்றப்படுமா?* பதற்றம்-போலீசார் குவிப்பு!

கார்த்​திகை தீபத்​தையொட்டி இன்று (டிச. 3) திருப்​பரங்​குன்​றம் மலை உச்​சி​யில் உள்ள தீபத்​தூணில் தீபம் ஏற்ற நீதிமன்றம் உத்தரவிட்டுள்ளது. இதனை இன்று முதல் நடைமுறைப்படுத்த கோரி வழக்கு தொடர்ந்த ராமரவிக்​கு​மார் மற்றும் இந்து அமைப்​பினர் கோயில் நிர்​வாகத்​திடம் நேற்று மனுக்​களை அளித்​தனர். நீதிமன்ற உத்தரவை நடை​முறைப்படுத்த தவறி​னால், நாங்களே தீபத்​தூணில் தீபம் ஏற்றுவோம்’ என்​றும் அவர்​கள் கூறியதாக தெரிகிறது. இதனால் அங்கு பதற்​றம் நிலவுகிறது. இதையடுத்​து, மதுரை மாநகர காவல் ஆணை​யர் லோக​நாதன் மேற்​பார்​வை​யில், துணை ஆணை​யர் இனிகோ திவ்யன் தலை​மை​யில் 500-க்​கும் மேற்பட்ட போலீ​ஸார் குவிக்​கப்​பட் டுள்ளனர். இதுகுறித்து போலீஸ் தரப்​பில் கூறுகையில், “கோயில் நிர்வாகம் சார்​பில் தீபம் ஏற்ற நடவடிக்கை எடுத்​தால், உரிய பாது​காப்பு வழங்​கப்​படும். ஆனால் யாரும் மலைக்கு மேல் செல்ல அனு​மதி கிடை​யாது’ என்​றனர். இதனிடையே தனி நீதிபதி பிறப்பித்த உத்தரவை ரத்து செய்யவும், அதுவரை அந்த உத்தரவை செயல்படுத்த இடைக்காலத் தடைகோரியும் திருப்பரங்குன்றம் கோயில் தரப்பில் உயர் நீதிமன்ற மதுரை அமர்வில் நேற்று மேல்முறையீடு செய்யப்பட்டது. இந்த மனு இன்று விசாரணைக்கு எடுக்கப்படும் என எதிர்பார்க்கப்படுகிறது.