நடிகர் மனோஜ் மறைவு:- பாரதிராஜா கைகளை பற்றிக் கொண்டு ஆறுதல் கூறிய முதல்வர் மு.க.ஸ்டாலின்…!

இயக்குநர் இமயம் பாரதிராஜாவின் மகனும், நடிகருமான மனோஜ்(48) உடல் நலக்குறைவு காரணமாக நேற்று (மார்ச் 25) காலமானார். அவரது உடலுக்கு தமிழ் திரையுலகை சேர்ந்தவர்கள், ரசிகர்கள், அரசியல் கட்சி பிரமுகர்கள், உறவினர்கள், நண்பர்கள் அஞ்சலி செலுத்தி வருகின்றனர். சென்னை நீலாங்கரையில் உள்ள பாரதிராஜாவின் வீட்டில் அஞ்சலிக்காக மனோஜின் உடல் வைக்கப்பட்டிருக்கும் நிலையில், தமிழக முதல்வர் ஸ்டாலின் நேரில் சென்று அஞ்சலி செலுத்தினார். அவருடன் துணை முதல்வர் உதயநிதி ஸ்டாலின், அமைச்சர் மா. சுப்பிரமணியன் உள்ளிட்டோரும் அஞ்சலி செலுத்தினர். அப்போது பாரதிராஜா கைகளை பற்றிக் கொண்டு முதல்வர் மு.க.ஸ்டாலின் ஆறுதல் கூறினார்.