திருச்சியில், பிரபல உணவு நிறுவனத்தின் டெலிவரி பெட்டியில் நூதன முறையில் ஹான்ஸ் பாக்கெட்டுகள் கடத்திய வாலிபர் கைது…!

திருச்சி மாவட்டம், திருவெறும்பூர் ஏஎஸ்பி அரவிந்த் பனாவத் உத்தரவின் பேரில் தனிப்படை போலீசார் கல்லணை சாலையில் வந்த பிரபல உணவு பொருள் டெலிவரி செய்யும் நிறுவன இருசக்கர வாகனத்தை மறித்து சோதனை செய்தபோது அதில் 207 பாக்கெட் ஹான்ஸ் கடத்தி வந்தது தெரியவந்தது. இதுதொடர்பாக அவரை பிடித்து விசாரித்தபோது. அவர் கரூர் மாவட்டம், குளித்தலை சீகம்பட்டி ஆதிதிராவிடர் காலனியைச் சேர்ந்த ராஜேந்திரன் (35) என்பது தெரியவந்தது. அவரை கைது செய்த தனிப்படை போலீசார், அவரை திருவெறும்பூர் காவல் நிலையத்தில் ஒப்படைத்தனர். திருவெறும்பூர் போலீசார் வழக்கு பதிவு செய்து ராஜேந்திரனை திருச்சி ஆறாவது குற்றவியல் நீதிமன்றத்தில் ஆஜர்படுத்தி நீதிபதி உத்தரவின் பேரில் திருச்சி மத்திய சிறையில் அடைத்தனர்.