திருச்சியில் குறை பிரசவத்தில் பிறந்த குழந்தை குப்பை தொட்டியில் வீச்சு..!

திருச்சி, மேல சிந்தாமணியை சேர்ந்த தம்பதிக்கு ஏற்கனவே 12 வயதில் மகன் உள்ள நிலையில், இரண்டாவதாக அந்தப் பெண் கர்ப்பமானார்.நிறைமாத கர்ப்பிணியான அவருக்கு குறை பிரசவத்தில் குழந்தை இறந்தே பிறந்ததாக கூறப்படுகிறது. இதனால், செய்வதறியாது தவித்த அந்தப் பெண்ணின் உறவினர் இறந்த குழந்தையை ஒரு பாலிதீன் பையில் சுற்றி குப்பையில் வீசி சென்று விட்டார். இதனை அந்த வழியாக சென்றவர்கள் பார்த்து போலீசாருக்கு தகவல் கொடுத்தனர். தகவலின்பேரில் கோட்டை போலீசார் சம்பவ இடத்திற்கு விரைந்து சென்று இறந்த குழந்தையின் உடலை மீட்டு திருச்சி அரசு மருத்துவமனைக்கு அனுப்பி வைத்தனர் . குறை பிரசவத்தில் பிறந்த குழந்தையை குப்பை தொட்டியில் வீசி சென்றது யார் என்பது குறித்து போலீசார் விசாரணை நடத்தி வருகின்றனர்.