திருச்சி, திருவெறும்பூர் போலீஸ் இன்ஸ்பெக்டர் கருணாகரன் தலைமையிலான போலீசார் திருச்சி- தஞ்சை தேசிய நெடுஞ்சாலையில் காட்டூர் மஞ்சத்திடல் பாலம் அருகே வாகன சோதனையில் ஈடுபட்டிருந்தனர். அப்போது இரு சக்கர வாகனத்தில் சந்தேகப்படும்படியாக வந்த வாலிபரை நிறுத்தி சோதனை செய்தபோது அவர் வைத்திருந்த பையில் புதுச்சேரி மது பாட்டில்கள் இருந்தன. இதுகுறித்து அவரிடம் விசாரணை நடத்தியபோது அவர், திருச்சி முத்தரசநல்லூர் பழூர் காந்திநகரை சேர்ந்த லட்சுமணன் மகன் அஸ்வின்குமார் (19) என்பதும், காரைக்காலில் மது பாட்டில்களை வாங்கிக்கொண்டு திருவெறும்பூர் ரயில் நிலையத்தில் இறங்கி அங்கிருந்து இருசக்கர வாகனத்தில் வீட்டிற்கு எடுத்துச் செல்வதாக தெரிவித்தார். அதன்பேரில் அவரை கைது செய்த போலீசார், அவரிடமிருந்து 44 மது பாட்டில்களை பறிமுதல் செய்தனர்.
பின்னர் அவர் மீது வழக்கு பதிவு செய்து திருச்சி 6-வது குற்றவியல் நீதிமன்றத்தில் ஆஜர் படுத்தி நீதிபதி உத்தரவின்பேரில் திருச்சி மத்திய சிறையில் அடைத்தனர்.

Comments are closed.