காற்றழுத்த தாழ்வு மண்டலம் இன்று (மே 24) கரையை கடக்கும்: கோவை, நீலகிரி மாவட்டங்களுக்கு “ரெட் அலர்ட்”…!

”அரபிக் கடலில் நிலவி வந்த ஆழ்ந்த காற்றழுத்த தாழ்வு பகுதி, காற்றழுத்த தாழ்வு மண்டலமாக வலுப்பெற்றது. தற்போது, ரத்னகிரிக்கு வடமேற்கே 40 கி.மீ., தொலைவில் காற்றழுத்த தாழ்வு மண்டலம் மையம் கொண்டுள்ளது. இது, கிழக்கு நோக்கி நகர்ந்து ரத்னகிரி- டபோலி இடையே இன்று (மே 24) கரையை கடக்கும் என வானிலை ஆய்வு மையம் தெரிவித்துள்ளது. இதன் காரணமாக கோவை, நீலகிரிக்கு அடுத்த 2 நாட்களுக்கு அதி கனமழை பெய்யும் என்பதால் “ரெட் அலர்ட்” விடுக்கப்பட்டுள்ளது. இந்த இரண்டு மாவட்டத்தில் பேரிடர் மீட்பு படையினர் தயார் நிலையில் உள்ளனர். முன்னெச்சரிக்கை நடவடிக்கையாக அரக்கோணத்தில் இருந்து கோவைக்கு மாநில பேரிடர் மீட்பு குழுவினர் சென்றுள்ளனர்.