அதிமுக முன்னாள் அமைச்சர் வெல்லமண்டி நடராஜன் மனைவி காலமானார்…!

முன்னாள் முதலமைச்சர் ஜெயலலிதா அமைச்சரவையில் சுற்றுலாத்துறை அமைச்சராக பதவி வகித்தவர் வெல்லமண்டி நடராஜன். ஜெயலலிதா மறைவுக்குப் பிறகு ஓபிஎஸ் அணியில் அமைப்பு செயலாளராக பதவி வகித்து வருகிறார். இவரது மனைவி சரோஜாதேவி. இவர் இன்று(27-02-2025) மாரடைப்பால் காலமானார். இதுகுறித்து தகவல் அறிந்த கட்சி நிர்வாகிகள் மற்றும் தொண்டர்கள் அவரது இல்லத்துக்கு விரைந்து வருகின்றனர். ஓ.பன்னீர்செல்வம் மற்றும் முக்கிய நிர்வாகிகள் அஞ்சலி செலுத்த வருவார்கள் என்று எதிர்பார்க்கப்படுகிறது. வெல்லமண்டி நடராஜன்- சரோஜாதேவி தம்பதியினருக்கு கிருபாகரன், ஜவஹர்லால் நேரு ஆகிய இரு மகன்கள் உள்ளனர் என்பது குறிப்பிடத்தக்கது.