தனது பிறந்த நாளை முன்னிட்டு முதல்வர் மு.க.ஸ்டாலினிடம் வாழ்த்து பெற்ற அமைச்சர் அன்பில் மகேஷ் பொய்யாமொழி…!

திருச்சி தெற்கு மாவட்ட திமுக செயலாளரும், பள்ளி கல்வித்துறை அமைச்சருமான அன்பில் மகேஷ் பொய்யாமொழிக்கு இன்று(டிச.2) பிறந்தநாள் ஆகும். இதனை முன்னிட்டு திமுக தலைவரும், முதலமைச்சருமான மு.க.ஸ்டாலினை சென்னையில் சந்தித்து வாழ்த்து பெற்றார். இதுகுறித்து தனது எக்ஸ் பக்கத்தில் பதிவு ஒன்றை வெளியிட்டுள்ளார். அதில், “எனது அரசியல் ஆசான், தமிழ்நாட்டின் பேரரண், முதலமைச்சர் ஸ்டாலின் அவர்களிடம் பிறந்தநாள் வாழ்த்தைப் பெற்றேன். இந்த வாழ்த்து எனக்கு பெரும் உற்சாகத்தையும், பொறுப்பையும் அளிக்கிறது” என்று அவர் குறிப்பிட்டுள்ளார். தனது அரசியல் பயணத்தில் முதலமைச்சரிடமிருந்து கிடைக்கும் ஆதரவும், வழிகாட்டுதலும் மிகப்பெரிய ஊக்கமாக உள்ளதாகவும் அவர் மேலும் தெரிவித்துள்ளார்.